كيفاش كنخدمو
ماكاينش وعود خاوية ولا مفاجآت فالتسليم. ها شنو كيوقع بالضبط من أول استشارة حتى كيبداو يبانو النتائج الأولى.
5 خطوات لإطلاق المشروع ديالك
1. استشارة فابور
كنحللو الوضعية ديالك، أهدافك، وكنشوفو واش نقدرو نعاونوك. ماكاينش لغة البيع الخاوية — يلا ماكناش صالحين ليك، كنقولوها ليك نيشان.
2. الاستراتيجية والتخطيط
كنحددو مجموعين الأولويات، القنوات، الأرقام اللي غنتبعو (KPIs) والوقت. غتكون عارف بالضبط شنو غنديرو، كيفاش، وعلاش.
3. الإعداد (Setup) والإطلاق
أهم مرحلة. كنبنيو الساس: الحسابات، التتبع (Tracking)، الصفحات، الإعلانات. ما كنطلقو حتى حاجة حتى كيكون كلشي هو هاداك.
4. التحسين المستمر
الأرقام كتبدا تبان، والصورة كتوضح. كنبدلو الفيديوهات، الإعلانات والاستهداف على حساب شنو خدام لينا بصح وشنو كيجيب النتيجة.
5. التوسع (Scaling) والنمو
ملي كنلقاو الوصفة اللي خدامة وكتجيب المبيعات، كنكبرو الخدمة: قنوات جديدة، جماهير جديدة، وعروض أخرى.
الـ Setup ماشي غير مصاريف زايدة.
هادي مرحلة ديال 2 حتى لـ 4 سيمانات دالخدمة المعقولة لي كتبني عليها كلشي. ها شنو كتخلص بصح فاش كتاخد الـ Setup.
هيكلة الحسابات
كنقادو الحملات، الجماهير، والإعلانات باش تخدم على المدى الطويل بلا ما نحتاجو نريبوهوم من هنا لـ 3 شهور.
تتبع (Tracking) نقي
أي كليك، أي استمارة، ولا مبيعة كنتبعوها وكنعرفو منين جات. بلا هادشي، غنبقاو غير كنخمنو.
الكتيبة والفيديوهات
عناوين، نصوص، وتصاميم — مقادين ومكتوبين لكل قناة من النهار الأول.
صفحات البيع (Landing Pages)
صفحات الهدف منها هو البيع (Conversion). ماشي غير الصفحة الرئيسية ديال السيت كنسيفطو ليها الترافيك.
استراتيجية الاستهداف
كنقلبو مزيان في الكلمات المفتاحية والجماهير، باش كل سنتيم كتستثمرو يمشي لبلاصتو من النهار الأول.
أرقام مرجعية (Baseline)
في اللخر ديال الـ Setup، كتكون عندك أرقام حقيقية اللي كنقارنو بيها النتائج الجاية باش نعرفو واش غاديين مزيان.
"علاش غنخلص هادشي كامل قبل ما نشوف حتى نتيجة؟"
حيت يلا طلقنا حملة بلا Setup، بحال يلا كتحرق الميزانية على ساس رايب. السيمانات الأولى دالخدمة كتجيب أرقام — ولكن غير يلا كان التتبع (Tracking) مريگل. الإعلانات كتجيب ترافيك — ولكن غير يلا كانت صفحة البيع كتكونفيرتي. الـ Setup هو لي كيخلي كل سنتيم كتستثمرو يخدم من النهار الأول.
Setup عشوائي مقابل Setup متقون
بلا هيكلة (عشوائي)
- استهداف واسع = كليكات مامسلكاش
- تتبع ناقص = قرارات على الله
- إعلانات عامة = ثمن غالي لليد (CPL)
- حساب صعيب تطورو
- نتائج مخربقة وما مفهوماش
Setup نقي ومقاد
- استهداف دقيق من الإطلاق
- كل عملية بيع متبوعة ومعروفة
- ميساجات مقادة على حساب الكليان
- حساب قابل للتوسع (Scalable)
- تحسينات مبنية على أرقام صحيحة
الجدول الزمني العادي
كيفاش كنخدمو؟
شخص واحد كيهضر معاك
نقطة تواصل وحدة لي فاهمة التيكنيك، الإعلانات، الكتيبة، والأرقام. ماكاينش اجتماعات باش ننسقو بين 3 ديال الوكالات.
القرارات مبنية على الأرقام
أي تغيير كنديروه كيبني على أرقام حقيقية. تتبع (Tracking) كامل، اختبارات (A/B Tests) ديما، والتحسين كيكون غير ملي كنشوفو الداتا.
الشفافية والوضوح
تقارير واضحة، التزام بالوقت، وتواصل ديما معاك. ديما غتكون عارف الخدمة فين وصلات وأي خطوة درناها شنو النتيجة ديالها.
نشوفو الوضعية ديالك مجموعين؟
30 دقيقة ديال الاستشارة فابور باش نحللو البيزنيس ديالك، أهدافك، ونشوفو شنو لي غيصلح ليك.
الخطوة الجاية كتبدا هنا.
30 دقيقة فيديو مع محمد الغربي. كنحللو الحالة ديالك، كنشوفو شنو اللي حابسك، وكنخرجو بخطة عمل ملموسة. مجاناً وبدون التزام.